Eldfjalla & Lundaferð

Eldfjöll og lundi, frægasta tvíeyki Vestmannaeyja.

Vestmannaeyjar eru ekki bara þekkt fyrir eldgosið 1973 því þar er einnig að finna stærstu lundabyggð í heimi.

Hoppaðu á fjórhjól með okkur og skoðaðu það sem Vestmannaeyjar hafa uppá að bjóða. Við byrjum túrinn á því að bruna suður eftir eyjunni þar sem við munum m.a kíkja á sérstakt kennileiti, fílinn eða “elephant rock”. Þaðan munum við svo keyra í átt að Stórhöfða þar sem smáeyjaklasi Vestmannaeyja blasir við í öllu sínu veldi. Þegar vel viðrar og Vestmannaeyjar skarta sínu fegursta sést m.a alla leið til Surtseyjar en Surtsey er syðsta eyjan í Vestmannaeyjaklasanum og myndaðist í neðansjávargosi 14.nóvember 1963.

Við munum nema staðar á Stórhöfða þar sem útsýnið til allra átta er stórfenglegt þrátt fyrir að veðrið geti leikið mann grátt enda sá staður á landinu sem er hvað vindasamastur. Við munum taka röltið á afvikinn stað og gefa okkur góðan tíma til að fylgjast með krúnudjásni Vestmannaeyja, lundanum, spóka sig um í brekkunni,taka sig á loft og koma inn til lendingar um leið og leiðsögumenn segja frá áhugaverðum staðreyndum um lundana og nærumhverfi þeirra.

Næst brunum við frá Stórhöfða og inn á hraunsvæðið þar sem við tekur “off-road” hluti ferðarinnar.

Í þessum hluta ferðarinnar verður m.a farið á strandstað Pelagus slyssins og farið á staðinn á nýjahrauni þar sem Guðlaugur Friðþórsson náði landi eftir 5-6 km sund í svarta myrkri og köldum sjó eftir að Hellisey VE 503 fórst eins og fram kemur í kvikmyndinni Djúpið. Einnig verður farið um nýjahraunið og inn í miðjan gíg Eldfells og meðfram ströndinni þar sem útsýnið er vægast sagt ótrúlegt.

Tilvalin ferð fyrir alla fjölskylduna um söguslóðir Vestmannaeyja á skemmtilegum fjórhjólum. Fjórhjólin eru sjálfskipt og auðveld í akstri og þarf því enga sérstaka reynslu á þau. Öll fjórhjólin eru 2ja manna og þarf ökumaður að hafa meðferðis gilt ökuskirteini, farþegar aftaná fjórhjólunum þurfa að vera 6 ára eða eldri.

Þessi ferð er undir stjórn leiðsögumanns þar sem gestum stendur til boða að fá vatnsheldan galla, hanska og hjálm.